مخزونك جوّا المدينة، وطلبك عند العميل خلال ساعة إلى ساعتين
العميل اللي يبي منتجه اليوم ما ينتظر توصيل بكرة، يشتري من منافسك الأسرع. المخازن السحابية تحط مخزونك المختار داخل أحياء المدن، فطلب الظهر يوصل العصر، ووعد "توصيل اليوم" بمتجرك يصير حقيقة تشغيلية مو شعار.
كل تفصيلة مبنية على تشغيل حقيقي.
توصيل خلال ساعة إلى ساعتين
المسافة أقصر فالوصول أسرع، فالطلبات العاجلة داخل المدينة توصل خلال ساعة إلى ساعتين من الضغط على "اشتر".
توزيع ذكي للمخزون
نحلل مبيعاتك ونحدد المنتجات الأعلى دورانًا لكل مدينة، فتتقدم بمخزونها للمخزن السحابي وتبقى الأصناف البطيئة بالمستودع المركزي.
صمود بذروة المواسم
لما تزدحم شبكات الشحن برمضان والجمعة البيضاء، طلباتك السحابية تكمل مسارها القصير بشكل طبيعي، ميزة تنافسية بأصعب أسابيع السنة.
ست مدن وتتوسع
تغطية المدن الرئيسية بالمملكة، والشبكة تكبر حسب خريطة طلبات عملائنا.
مخزون واحد بنظام واحد
المخزون السحابي والمركزي بنفس اللوحة وبنفس المزامنة مع متجرك، والنظام يوجه كل طلب تلقائيًا لأقرب نقطة فيها المنتج.
ثلاث خطوات، وبعدها خلّها علينا.
نحلل خريطة مبيعاتك
وين عملاؤك؟ وش أسرع منتجاتك؟ نحدد التشكيلة الأنسب لكل مدينة.
نوزع المخزون مقدمًا
الأصناف المختارة تتقدم للمخازن السحابية قبل الطلب، مو بعده.
الطلب يوصل خلال ساعة إلى ساعتين
النظام يوجه الطلب لأقرب مخزن فيه المنتج، والتوصيل ينطلق فورًا.
اللي يسأله التجار عن هذي الخدمة
هل أحتاج أنقل كل مخزوني للمخازن السحابية؟
لا، الفكرة عكس ذلك: نسبة صغيرة مختارة بعناية (الأصناف الأسرع لكل مدينة) تتقدم للمخازن السحابية، والباقي يبقى بالمستودع المركزي الأوفر.
وش يصير إذا نفد المنتج من المخزن السحابي؟
الطلب يتوجه تلقائيًا للمستودع المركزي ويشحن بالمسار العادي، والنظام يعيد تغذية المخزن السحابي حسب سرعة السحب، بدون تدخل منك.
هل الخدمة تناسب المتاجر الصغيرة؟
إذا كانت مبيعاتك تتركز بمدينة أو مدينتين، فالمخازن السحابية غالبًا أول ميزة تنافسية كبيرة تقدر تنافس فيها المتاجر الكبيرة، تبدأ بمدينة وحدة وبتشكيلة صغيرة وتتوسع مع النتائج.
تبي تتعمق أكثر؟ اقرأ: الدارك ستور: كيف توصّل طلبات متجرك بنفس اليوم